Einstaklega fallegt einbýli í fyrstu línu við golfvöll

Lýsing eignar:

Stórglæsilegt einbýlishús sem staðsett er í fyrstu línu við La Finca golfvöllinn. Þetta glæsilega hús sem byggt er í svokölluðum Miðjarðarhafsstíl er með 3 svefnherbergjum og 2 baðherbergjum með hita í gólfi, en einnig er hægt að fá samskonar hús með 65m2 kjallara. Mjög rúmgott og bjart alrými með fullbúnu eldhúsi með hágæða heimilistækjum og stofu. Einnig fylgir stór sér garður með sundlaug, þaksvalir með frábæru útsýni yfir golfvöllinn og bílastæði inn á lóð. Eignin er einnig útbúin þjófavarnarkerfi með myndavél og innbyggðu snjallkerfi.

Í næsta nágrenni við hverfið finnurðu alla nauðsynlega þjónustu í bænum Algorfa, s.s. veitingastaði, súpermarkaði, almenningssamgöngur o.fl. 

En auk þess er Zenia Boulevard verslunarmiðstöðin skammt frá, þar sem þín bíður mikið úrval verslana í yfir 80.000 m2 verslunarhúsnæði, að ógleymdir heilbrigðisþjónustu hins margrómaða Torrevieja spítala sem er í 15 mínútna ökufjarlægð að heiman.  Hafirðu áhuga á að spila golf, þá ertu komin á rétta staðinn, hvort sem þú villt spila heimavöllinn þinn La Finca, eða reyna við aðra velli í nágrenninu, en 8 átján holu vellir eru í innan við 20 mínútna fjarlægð að heiman. 

Og fyrir sólarunnendur þá ertu í einungis nokkurra mínútna ökufjarlægð frá kílómetra löngum breiðum af fín sendnum ströndum sem hafa fengið vottun Evrópusambandsins fyrir gæði sjávar og þjónustu í formi Bláa fánans.

Hafðu samband til að fá frekari upplýsingar!