Glæsilegt einbýlishús í Ciudad Quesada

Lýsing eignar:

Þetta glæsilega einbýlishús er staðsett á frábærum stað í bænum Ciudad Quesada, en frá húsinu eru aðeins 4 mínútur á La Marquesa golfvöllinn.

Húsið er 150m2 að stærð með 3 svefnherbergjum, sem öll eru með sér baðherbergi, og einu gestabaðherbergi að auki. Rúmgott og bjart opið rými með eldhúsi, borðstofu og stofu en þaðan er hægt að ganga út á glæsilega verönd með stórum garði, sundlaug og sér bílastæði innan lóðar. Einnig býðst kaupendum til boða að fá þetta hús með kjallara.

Ciudad Quesada er afar skemmtilegur og líflegur bær á Costa Blanca ströndinni sem hefur upp á allt að bjóða allan ársins hring, mikið úrval veitingastaða, verslana og allskyns afþreyingu fyrir allan aldurshóp s.s GoKart, vatnsleikjagarð, mini golf, keiluhöll og fleira og fleira, svo er örstutt á glæsilega golfvöllinn La Marquesa, 18 holu golfvöll með allt til alls fyrir golfspilarann. Fyrir náttúruunnendur eru fjölmargar náttúruperlur allt í kring um bæinn og má þar meðal annars nefna Saltvötnin í Torrevieja og náttúruverndarsvæðið El Recorral þar sem vinsælt er að fara í lautarferð og fylgjast með iðandi fuglalífinu eða skella sér í göngutúr á þeim ótal gönguleiðum á svæðinu. 

Innan við 10 mín akstur er svo að finna hina 11 kílómetra löngu gullnu strandlengju við Guardamar del Segura sem fengið hefur vottun Evrópusambandsins fyrir gæði sjávar og þjónustu í formi Bláa fánans, auk þess sem Torrevieja er stutt frá. Svo er einnig stutt í verslunarmiðstöðvarnar Habaneras og La Zenia og aðeins 35 mínútur frá flugvellinum í Alicante.

Endilega hafðu samband til að fá meiri upplýsingar um þessa glæsilegu eign!